Ulttyq quryltaıda Memleket basshysy Qasym-Jomart Toqaev vedomstvolyq (mekemelik) marapattardy retke keltirý qajettigin atap ótti, dep habarlaıdy Egemen.kz.
Prezıdenttiń aıtýynsha, sońǵy jyldary memlekettik nagradalar máselesin qaıta qaralyp, bir júıege túsirilgen. Endi vedomstvolyq (mekemelik) marapattardy retke keltirý qajet.
«Memlekettik organdar bul jumysty nazardan tys qaldyrdy. Naqty ereje joq, bárine ortaq málimetter qory da joq. Sonyń kesirinen keıbir marapattar orynsyz taratylyp jatyr. Tipti, bir memlekettik organnyń tósbelgisin bir adam birneshe ret alǵan jaıttar da kezdesedi», dep atap ótti Memleket basshysy.
Q.Toqaev vedomstvolyq nagrada – naǵyz bilikti mamandarǵa ǵana beriletin, sol arqyly kásibı mártebeni kóteretin mańyzdy nagrada ekenin atap ótti.
«Buǵan beı-jaı qaraýǵa bolmaıdy. Sondyqtan mekemelik marapattardyń biryńǵaı standartyn jáne tizimin jasaý qajet. Árıne, ár mekemeniń óz ereksheligin eskergen jón. Biraq bárine ortaq ustanym bolýy kerek. Quzyrly organdarǵa osy sharýany qolǵa alýdy tapsyramyn», dedi el Prezıdenti.