9 naýryzda bastalǵan áıelder arasyndaǵy álem chempıonatynyń júldegerleri kúni keshe anyqtaldy. 51 memleket ókilderi baq synaǵan básekede Qazaqstan áıelder quramasy úzdikter qatarynan tabyldy, dep jazady Egemen.kz.
Týrızm jáne sport mınıstrligi Sportty damytý dıreksııasynyń málimetinshe, Qazaqstan quramasynyń arýlary álem chempıonaty barysynda 35 jekpe-jek ótkizip (Eýropa - 16, Azııa - 10, Afrıka - 4, Ońtústik Amerıka - 2, Soltústik Amerıka - 2, beıtarap - 1), onyń 26-synda jeńiske jetken.
2 jekpe-jekte jeńis avtomatty túrde otandastyrymyzǵa berilgen.Qazaqstan áıelder quramasy úsh altyn, eki kúmis, bir qola medelmen Reseıden keıin ekinshi orynǵa jaıǵasty. Úzdik úshtikti 1 altyn, 2 kúmis, eki qolamen túrkııalyq qyzdar túıindedi.
Serbııanyń Nısh qalasynda ótken halyqaralyq dodaǵa Qazaqstan jáne О́zbekstan quramalary ǵana barlyq salmaqta 12 boksshysyn jarysqa qosty. Aıta keteıik, álem chempıonatynda kórshi el quramasy 1 kúmis, 3 qola júlde enshiledi.
Tartysty básekelerden soń Qazaqstan áıelder quramasynda tarıhı nátıje tirkedi. Máselen, 48 kelide el namysyn qorǵaǵan Nazym Qyzaıbaı Qazaqstan boks tarıhyndaǵy alǵashqy 3 dúrkin álem chempıony atanyp, ár álem chempıonatynda Qazaqstan ánuranyn birinshi bolyp shyrqatqan boksy bolyp otyr.
Álem chempıonatyna alǵash qatysqan 3 boksshymyz júldegerlerdiń qataryna kirdi.
Saıystyń júlde qory:1-oryn - 100 myń AQSh dollary2-oryn - 50 myń AQSh dollary3-oryn - 25 myń AQSh dollaryShırek fınalıster - 10 myń AQSh dollaryn qurady.