Endi Qazaqstandyqtar ózgeniń elektrondyq sıfrlyq qoltańbasyn (ESQ) paıdalanǵany úshin jaýapkershilikke tartylady. Bul týraly Sıfrlyq damý, ınnovasııalar jáne aeroǵarysh ónerkásibi mınıstrligi habarlady, dep jazady Egemen.kz.
Jeke jáne zańdy tulǵalardyń derbes derekterin qorǵaý jáne elektrondyq sıfrlyq qoltańba salalaryndaǵy ákimshilik quqyq buzýshylyqtar úshin ákimshilik jaýapkershilikke tartý merzimi eki aıdan bir jylǵa deıin uzartyldy. Jańa normalar 2025 jylǵy 13 naýryzdan bastap kúshine endi.
Derbes derekterdi zańsyz jınaý, óńdeý jáne olardy qorǵaý sharalaryn saqtamaǵany úshin salynatyn aıyppuldardyń mólsheri úsh ese ulǵaıtylady. Mınıstrlik málimetinshe, buryn aıyppuldar quqyq buzýshylyqtyń quramyna jáne kásipkerlik sýbektisiniń sanatyna baılanysty 10-nan 1000 AEK-ke deıin ózgerip otyrsa, budan bylaı 30-dan 2000 AEK-ke deıin ulǵaıtylady.
Budan bólek, Qazaqstan Respýblıkasynyń elektrondyq qujat jáne elektrondyq sıfrlyq qoltańba týraly zańnamasyn buzǵany úshin jańa ákimshilik quqyq buzýshylyq túri kúshine enedi. Iаǵnı, basqa adamnyń ESQ kiltin paıdalanǵany úshin ákimshilik jaýapkershilik qarastyrylady.
Buǵan deıin ákimshilik jaýapkershilik tek ESQ kiltin úshinshi tulǵalarǵa zańsyz berý jáne ony qorǵaý boıynsha tirkeý kýáliginiń ıesi tarapynan qajetti sharalardy qabyldamaý jaǵdaılaryna ǵana qoldanylatyn. Endi ózgerister kúshine engennen keıin ESQ-ny zańsyz bergen de, ony paıdalanǵan tulǵalar da jaýapkershilikke tartylady.