Elordada boýlıngten týrnır ótti. Astana qalasy múgedek jastar qoǵamy uıymdastyrǵan «Naýryz-2025» is-sharasyna qatysýshylar sheberlikterin kórsetti, dep habarlaıdy Egemen.kz.
«Múgedek jastar qoǵamy» tóraǵasynyń orynbasarynyń aıtýynsha, týrnır bıyl ekinshi jyl uıymdastyryldy. Astana qalasynan 6 komanda qatysyp, ózderiniń sheberligin synady.
«Ákimdiktiń qoldaýymen, demeýshi azamattardyń kómegimen jeńiske jetken, júldeger atanǵan qatysýshylarǵa baǵaly syılyqtar berildi. Bizdiń uıym osyndaı sporttyq saıystardy ótkizý arqyly da erekshe jandardyń ortadan saıaqtanyp, shettep qalmaýyna, salamatty ómir saltyn nasıhattaýǵa sebepker bolady. Týrnırge kelgen jastar ózara shúıirkelesedi, aralasatyn ortasy keńeıedi. Sondyqtan saıysqa qatysýdyń ózi zor mártebe», deıdi «Múgedek jastar qoǵamy» tóraǵasynyń orynbasary Táýekel Naýryzbaev.
Sporttyq saıystar aldaǵy ýaqytta da jalǵasyn tappaq.