Taraz qalasynyń turǵyny tanysynyń atyna ǵımaratty jazyp berý syltaýymen 15 mln teńgesin jymqyrǵan, dep jazady Egemen.kz.
Qolma-qol sanap bergen qomaqty qarajattan keıin, kúdikti túrli syltaýlar aıtyp, jeti aı boıy tanysyn aldap kelgen. Alaıda ýaqyt óte kele ǵımarattyń múlde basqa adamnyń atyna rásimdelip ketkenin estigen jábirlenýshi quqyq qorǵaý organdaryna júgingen. Isti tergeý nátıjesinde alaıaqtyń qylmysy dáleldenip, sot úkimimen ol alty jylǵa bas bostandyǵynan aıyryldy. Endi ol jazasyn qaýipsizdigi aralas mekemede óteıdi. Sonymen qatar sot sheshimi boıynsha jymqyrylǵan 15 mıllıon teńgeni, 3,5 mıllıon teńge turaqsyzdyq aıybyn jáne sot shyǵyndaryn óteýge mindetteldi.