15 maýsym men 13 shilde aralyǵynda AQSh-ta jalaýy jelbireıtin fýtboldan klýbtyq álem chempıonatynyń júlde qory 1 mıllıard AQSh dollaryn quraıdy.
Joǵarydaǵy aqparat FIFA-nyń resmı saıtynda jarııalandy. Atalǵan dop dodasynda bas júldeni oljalaǵan komanda 125 mıllıondy ıelenedi. Qalǵan qarajatty qatysýshy 31 klýb alǵan oryndaryna baılanysty bólisedi. Bul básekelerdi AQSh-tyń birneshe qalasy qabyldaıdy. Al fınaldyq saıys Nıý-Djersı shtatyna qarasty Ist-Rezerford qalasyndaǵy 82 500 kórermenge eseptelgen «Met-Laıf» stadıonynda uıymdastyrylady.
AQSh-taǵy dop dodasynda Eýropanyń – 12, Ońtústik Amerıkanyń – 6, Soltústik Amerıkanyń – 4, Azııanyń – 4, Afrıkanyń – 4 jáne Muhıt jaǵalaýynyń – 1 komandasy baq synaıdy.