Jańasemeı aýdany Shúlbi kentindegi 26 otbasy bıylǵy Naýryz meıramyn jańa úıde qarsy aldy.
Eki páterli turǵyn úıdiń kiltin aýdan ákimi Almas Tastenbekov saltanatty jaǵdaıda tabys etti. Qazir Jańasemeı aýdanynda 100-den asa azamat turǵyn úı kezeginde tur. Olardyń baspana máselesin kezeń-kezeńimen sheshý barysynda birqatar is-shara qolǵa alynyp jatyr. Solardyń biri – Shúlbi kentindegi burynǵy 60 páterli kópqabatty turǵyn úıdi qaıta jańǵyrtý jobasy. Jóndeý jumystary aıaqtalǵan soń turǵyn úı kezeginde turǵan azamattarǵa páter beriledi.
Qazir 2023–2029 jyldarǵa arnalǵan ınfraqurylymdy damytý tujyrymdamasy aıasynda Jańasemeı aýdanynda birneshe qurylys jobasy júzege asyrylyp otyr. Muqyr, Bókenshi aýyldary men Shaǵan kentinde eki páterli turǵyn úıdiń qurylysy júrgizilip jatyr.
Abaı oblysy