Bul jumys Memleket basshysynyń Zaısan, Katonqaraǵaı jáne Kendirli kýrorttyq aımaqtarynda úsh jańa áýejaı salý jónindegi tapsyrmasy aıasynda júrgizilýde.
Jumys barysyn kólik mınıstri Marat Qarabaev pen Shyǵys Qazaqstan oblysynyń ákimi Nurymbet Saqtaǵanov baryp kórip, onyń resmı túrde bastalǵanyn málimdedi.
Qatonqaraǵaı aýdanyndaǵy áýejaı Belqaraǵaı aýyly mańyndaǵy 266 gektar jerde ornalasapaq. Áýejaı aımaqtyń klımattyq jáne geografııalyq jaǵdaıyn eskere otyryp salynýda. Joba aıasynda aldaǵy ýaqytta keńeıtý múmkindigi bar 2,2 myń metrlik ushý-qoný jolaǵy qarastyryldy.
Munda Bombardier Q400, ATR-72 jáne basqa da uqsas tıptegi zamanaýı áýe kemelerin qabyldaý kózdelgen. Sonymen qatar joba aıasynda tolyqqandy ınfraqurylym qurý: 4 áýe kemesine arnalǵan perron, 4 myń sharshy metrlik zamanaýı aerovokzal, komandalyq-dıspetcherlik pýnkt, apattyq-qutqarý qyzmeti, meteostansa jáne radıonavıgasııalyq jabdyqtar qarastyrylǵan. Áýejaıdyń ótkizý qabileti saǵatyna 150 jolaýshyny quraıdy, bul aımaq úshin ońtaıly ári ornyqty áýe qatynasy úshin turaqty negiz bolmaq.
«Qazirdiń ózinde Qatonqaraǵaıǵa jylyna 100 myńǵa jýyq týrıst keledi. Aldaǵy bes jylda bul kórsetkish 250 myń adamǵa deıin artady dep kútilýde. Bul baǵyt qazaqstandyq jáne sheteldik qonaqtar arasynda suranysqa ıe. Nysan qoldanysqa tapsyrylǵan soń Katonqaraǵaıdan Astanaǵa, Almatyǵa jáne О́skemenge, sondaı-aq Altaı men Qanasqa (QHR), Baıan-О́lgeıge (Mońǵolııa) deıin qatynaıtyn halyqaralyq reıster ashylady. Kólik mınıstrligi jumystyń oryndalý merzimi men sapasyn jiti baqylaıdy», dep atap ótti mınıstr Marat Qarabaev.
Shyǵys Qazaqstan oblysynda týrızm salasyn odan ári damytý úshin Kólik mınıstrligi týrıstik nysandarǵa aparatyn barlyq joldardy jóndeıtindigi málimdeldi.
«Bıyl Qalbataý – Maıqapshaǵaı tas jolynyń qurylysy aıaqtalady. Altaı men Qatonqaraǵaı eldi mekenderi arasyndaǵy, odan ári Rahman qaınaryna deıingi ýchaskede jumystar júrgizilip jatyr. Marqakól kóline deıin kólik qozǵalysyn qamtamasyz etý úshin bıyldan bastap Terekti – Urynhaı jolyn jóndeý, sonymen qatar jalpy uzyndyǵy 120 shaqyrymdy quraıtyn Aýstrııa jolyndaǵy kópirler men qubyrlardy jóndeý josparlanǵan. Semeı qalasyna, sondaı-aq Rıdder jáne Shemonaıha qalalaryna baratyn joldarda jóndeý jumystary júrgizilýde. Bul joldar keletin týrıster aǵynyn qamtamasyz etedi» dedi Marat Qarabaev.
«Bul aýqymdy joba óńir úshin úlken serpilis bolyp, ekonomıkalyq ósýdiń jańa múmkindikterin ashady. Áýejaılardyń qurylysy týrızmniń damýyna, kólik-logıstıka ınfraqurylymynyń nyǵaıýyna jáne sheteldik ınvestısııa tartýǵa qýatty serpin beredi. Jańa kásiporyndar ashylyp, qosymsha jumys oryndary qurylyp, salyq túsimderi artady dep kútilýde. Nátıjesinde, óńirde halyq tabysynyń ósýine, turmys sapasynyń jaqsarýyna jáne oblystyń áleýmettik-ekonomıkalyq áleýetiniń odan ári nyǵaıýyna yqpal etetin aıtarlyqtaı mýltıplıkatıvti áser bolady», dep atap ótti oblys ákimi Nurymbet Saqtaǵanov.