Mıanma premer-mınıstri Mın Aýn Hlaın jer silkinisi saldarynan 1700-den astam adamnyń qaza bolýyna baılanysty 31 naýryz ben 6 sáýir aralyǵynda ulttyq aza tutý kúnin jarııalady, dep habarlaıdy Egemen.kz TASS-qa silteme jasap.
«Qaza tapqan azamattardy eske alý jáne odan kelgen zardaptarǵa baılanysty 2025 jylǵy 31 naýryz ben 6 sáýir aralyǵynda jeti kúndik ulttyq aza tutý kúni jarııalandy. Bul kúnderi memlekettik tý tómen túsirilýi kerek», delingen habarlamada.
Esterińizge sala keteıik, 28 naýryzda Mıanmada joıqyn jer silkinisi boldy. AQSh Geologııalyq qyzmetiniń málimetinshe, jer silkinisiniń magnıtýdasy – 7,7. Alǵashqy kúshti jer silkinisinen keıin magnıtýdasy 6,4 bolatyn taǵy bir aftershok tirkelgen. Jer silkinisi Taıland astanasy Bangkokta da sezilgen. Joıqyn jer silkinisinen soń Mıanmada, keıin Bangkokte tótenshe jaǵdaı jarııalandy.