Ishki ister mınıstriniń orynbasary Igor Lepeha kólik júrgizý quqyǵynan aıyrylǵan qazaqstandyqtar moped nemese taǵy basqa kólik tehnıkalaryn tizgindeı almaıtynyn aıtty, dep habarlaıdy Egemen.kz.
Onyń aıtýynsha, moped kólik túri bolǵandyqtan, olardy júrgizý úshin de júrgizýshi kýáligi qajet.
«Kýáliginen aıyrylǵan adamdar kýálikti qaıta ala almaıdy. Biz bul prosesti baqylap otyrmyz: júrgizýshi kýáliginen aıyrylǵandarǵa qyzmet kórsetilmeıdi», dedi I.Lepeha Májilis alańynda jýrnalısterdiń suraqtaryna jaýap berip.
Buǵan deıin Ishki ister mınıstrligi mopedterdi tirkeýdiń jańa sharttaryn jarııalaǵan bolatyn.