Oqý-aǵartý mınıstri Ǵanı Beısembaev 100 jyldan astam ýaqyt shákirt tárbıelep kele jatqan mektepterdiń pedagogıkalyq ujymdarymen onlaın kezdesý ótkizdi. Bul – ǵasyrlyq tarıhy bar bilim oshaqtarynyń basyn qosqan alǵashqy jıyn.
Mınıstrlik málimetinshe, osy kúni elimizde óz qyzmetin HIH–HH ǵasyrlarda bastap, búginge deıin aǵartýshylyq dástúrdiń sabaqtastyǵyn úzbeı kele jatqan 97 mektep, 12 kolledj bar. Máselen, Batys Qazaqstan oblysyndaǵy Jáńgir han mektebi 184 jyl úzdiksiz bala oqytyp keledi. 1841 jyly el aýmaǵyndaǵy alǵashqy bastaýysh mektep retinde ashylǵan bul qara shańyraqta tuńǵysh qazaq ǵalymdarynyń biri Muhammed-Salyq Babajanov, aǵartýshy Maqash Bekmuhambetov, sondaı-aq «Muǵalim» jýrnalynyń alǵashqy redaktory Ǵumar Qarash syndy tulǵalar bilim alǵan. Sonymen qatar Qyzylorda oblysyndaǵy 164 jyldyq tarıhy bar №16 mektep-lıseı, Aqtóbe oblysyndaǵy 162 jyldyq tarıhy bar Y.Altynsarın atyndaǵy orta mektep, Atyraý oblysyndaǵy 144 jyldyq tarıhy bar Qyzylúı orta mektebi – ulttyq bilim dástúriniń altyn arqaýyn jalǵastyryp kele jatqan bilim oshaqtary. Al Aqmola oblysyndaǵy Joǵary orman sharýashylyǵy, ekologııa jáne týrızm kolledji 129 jyldan beri kásibı mamandar daıarlap, el ekonomıkasyna úlken úles qosyp keledi.
Kezdesý barysynda mınıstr ult rýhanııatynyń kıeli shańyraǵyna aınalǵan bilim oshaqtarynyń tarıh úshin ǵana emes, bolashaq úshin de róli erekshe ekenin atap ótip, olardy saqtaý jáne jańǵyrtý baǵytynda birqatar tapsyrma júktedi.
«О́ńirlerdiń qoldaýynyń arqasynda ǵasyrdan astam tarıhy bar mektepter jabylmaı, bilim shyraǵyn sóndirmeı, sabaqtastyqty saqtap keledi. Biz mundaı mektepterdiń arnaıy katalogin jasaýdy qolǵa alýymyz kerek. Bul elimizdiń bilim tarıhynyń tereńdigin dáleldeıtin mańyzdy qujat bolmaq. Sonymen qatar Memleket basshysynyń tapsyrmasyna sáıkes bul mektepter de qajettiligine qaraı tolyqtaı renovasııadan ótip, materıaldyq-tehnıkalyq turǵyda jańartylýǵa tıis. Sondaı-aq munda eńbek etip júrgen pedagogterdiń áleýeti de jiti zerdelenip, olarǵa júıeli qoldaý kórsetilýi qajet», dedi Ǵanı Beısembaev.
Jıyn barysynda mınıstr júz jyldan astam ýaqyt bala oqytyp kele jatqan mektepterdiń ozyq tájirıbesin zerttep, ony respýblıka deńgeıinde taratý qajettigin atap ótti. Sonymen birge Ǵanı Beısembaev ǵasyrlyq mektepterdi bilim berý isiniń qundylyǵy retinde saqtap qalý jáne damytý maqsatynda 100 jyldyq mektepter qaýymdastyǵyn qurýdy, olardy qoldaý men damytýdyń strategııasyn ázirleýdi tapsyrdy.