Bul týraly búgin Senat otyrysynan keıin Qajylyq monıtorıng agenttigi tóraǵasynyń orynbasary Jeńis Elemesov jýrnalıster saýalyna jaýap berip, málimdedi, dep jazady Egemen.kz.
Buǵan deıin Bas prokýratýra elimizdiń fýtbol federasııasy men birneshe fýtbol klýbtaryna júrgizilgen prokýrorlyq tekserý nátıjesinde basqarýdaǵy tıimsizdik pen 3 mlrd teńge kóleminde qarjylyq buzýshylyqtardy anyqtaǵan edi.
2022 jyldan bastap 2024 jyldyń qarashasyna deıin fýtbol federasııasyn basqarǵan Ádilet Barmenqulov bul iste kúdikti dep tanylmaǵan.
«Bizde jymqyrý deregi boıynsha Qazaqstan fýtbol federasııasyna qatysty qylmystyq is bar. Qazirgi ýaqytta sotqa deıingi tergeýdiń basqa derekterin aıta almaımyn. Men tek prokýratýramen kelisilgen sotqa deıingi tergeý derekterin ǵana jarııalaı alamyn. Barmenqulovty kúdikti retinde qarastyrmadyq», dedi J. Elemesov