5 sáýir kúni Astanadaǵy Barys Arenada kásibı boks keshi ótedi. Keshtiń basty jekpe-jeginiń ıeleri jeńilip kórmegen J. Álimhanuly men fransııalyq Anaýel Ngamıssenge, dep jazady Egemen.kz.
Basty jekpe-jek aldynda S. Záýirbek, B. Júkembaev, aǵaıyndy Sabyrhandar men B. Jalolov óner kórsetedi.
Búgin boks keshiniń aldyndaǵy baspasóz konferensııasy ótti.
Baspasóz jıynynda ózbekstandyq eki dúrkin Olımpıada chempıony Bahodır Jalolov Ivan Dychkomen rıngke shyǵýǵa qatysty kópshilik kókeıindegi suraqqa jaýap berdi.
«Men 4-5 jyl buryn áýesqoı boksta kýbalyq, qazaqstandyq birneshe bylǵary qolǵap sheberlerine ese jiberdim. Dese de qazir shyńdaldym. Kez kelgen boksshymen revansh jasaýǵa daıynmyn. Mundaı usynystar týraly meniń menedjerlerimmen baılanysýǵa bolady», dedi B. Jalolov.
B. Jalolov qazaq boks súıer qaýymynyń aldynda da tanymal. Ol 5 sáýir kúni ýkraınalyq I.Shevadzýskıge qarsy sharshy alańǵa shyǵady. Osy jekpe-jek aldynda kórshi el ókili qoldap, qonaqjaılyq kórsetip jatqan qazaq halqyna alǵys aıtty.
«Meni boksshy retinde ósirgen el Qazaqstan. Jastaıymnan osy elde, talaı týrnırde baq synadym. Astana óte ádemi qala eken, unap jatyr. Qoldaýlaryńyzǵa raqmet», dedi ózbek boksshysy.
Boks keshiniń bıletterin Tıketon.kz, ıandeks.afısha saıttarynan satyp alýǵa bolady.