Búgin Astanadaǵy Barys arenada Sultan Záýirbek 4 jyldan keıin álem chempıonatynyń belbeýin elimizde qorǵady, dep jazady Egemen.kz.
Záýirbek Sultan qazirgi tańda IBF reıtınginde 5-orynda bolsa, WBO - 2 satyda.
Otandasymyz búgin IBF Intercontinental tujyrymy boıynsha ekinshi orta salmaqta Azınga Fýzılege (OAR, 18-2, 12 KO) qarsy judyryqtasty.
Záýirbek-Fýzıle kezdesýi 10 raýndqa sozyldy. Jerlesimiz josparlanǵan raýndtardan keıin tóreshilerdiń biraýyzdan sheshimimen jeńiske jetti.
«Qazaq batyrlaryn qoldap kelgenderińizge raqmet. Elimniń aldynda óner kórsetken men úshin mártebe. Men munymen toqtamaımyn. Alǵa, Qazaqstan», dedi S.Záýirbek.