Qarjy naryǵyn retteý jáne damytý agenttigi (QNDRA) 9,8 mıllıard teńge somasyna jıyntyq aktıvteri bar mıkroqarjy uıymynyń qyzmetindegi buzýshylyqtardy anyqtady, dep habarlaıdy Egemen.kz.
Atap aıtqanda, QNDRA-da tirkelgen 214 kompanııanyń ishinde aktıvter kólemi boıynsha 19-orynda turǵan MQU Express Avansqa qatysty aıyppul sanksııalaryn qoldanǵan. Uıym býhgalterlik esepti júrgizý úshin belgilengen talaptardy buzǵan, ol úshin 3,9 mıllıon teńge somasynda aıyppul salynǵan.
Buǵan deıin, QNDRA júrgizgen tergeý nátıjeleri boıynsha eki mıkroqarjy uıymyn mıkroqarjy qyzmetin júzege asyrý quqyǵyna lısenzııasynan aıyrý týraly sheshim qabyldanǵan bolatyn. Qazirgi ýaqytta ózara úlestes baılanystaǵy taǵy tórt kompanııaǵa qatysty tekserý jalǵasýda.
Tergeý nátıjesinde atalǵan alty kompanııanyń barlyǵy biryńǵaı qurylym retinde áreket etkeni anyqtaldy. Olar 200-den astam qyzmetker jumys isteıtin jalpy úı-jaıdy paıdalandy, al olardyń qyzmetin shetelde júrgen adamdar basqarady.
Sonymen qatar, sot azamattardyń 130 kepildik shartyn jaramsyz dep taný týraly talaptaryn qanaǵattandyrdy. Bul sheshim klıentterdi qarjylyq mindettemelerdi oryndaýdan bosatqan, al mıkroqarjy uıymdary osyndaı sharttar boıynsha alynǵan qarajatty qaıtarýǵa mindetti.