Bıylǵy jyldyń 1 mamyrynan bastap Qazaqstan áýe kompanııasy Astana – Túrkistan – Samarqan baǵytymen jańa reıs ashpaq. Ushaqtar aptasyna eki ret – beısenbi jáne jeksenbi kúnderi qatynaıdy, dep habarlaıdy Egemen.kz.
Azamattyq avıasııa komıtetiniń málimetinshe, bul baǵyttyń iske qosylýymen eki el arasyndaǵy apta saıynǵy reıster sany 42-den 44-ke artady.
Mamandardyń aıtýynsha, jańa baǵyt eki el arasyndaǵy saýda-ekonomıkalyq, iskerlik jáne týrızm salalaryndaǵy baılanysty nyǵaıtýǵa sep bolmaq.
Buǵan deıin Komıtet tóraıymy Saltanat Tompıeva depýtattar tarapynan áýe bıletteriniń qaıtarylmaıtynyna baılanysty aıtylǵan synǵa jaýap bergen edi. Onyń aıtýynsha, qaıtarylmaıtyn bıletter arqyly jolaýshylar úshin eń tómengi tarıf usynylady.