Oblys ortalyǵynan Astana baǵytynda shyǵatyn avtokópirdi jóndeý jumystary bastaldy, dep habarlaıdy Egemen.kz.
Ertis ózeni arqyly ótetin avtokólik kópirinde jóndeý jumystarynyń júrgizilýine baılanysty 11 sáýirge deıin jeńil avtokólikter úshin qozǵalys shekteldi.
«Pavlodar - Astana» avtokólik jolynyń mańyzdy bóligi - Ertis ózeninen ótetin kópir ústindegi jol jabynyn jóndeýge baılanysty 8 sáýirden bastap kópirde jeńil kólikterge ýaqytsha shekteý qoıyldy. 11 sáýirge deıin kópir ústinde reversıvti qozǵalys kúshinde bolady. Al qoǵamdyq kólik burynǵy tártippen qatynaı beredi. Jeńil avtokólikter úshin qozǵalys Kenjekól aýyly jaǵynan ashyq bolady. Keltirilgen qolaısyzdyqtar úshin keshirim suraımyz jáne jol júrý baǵytyńyzdy aldyn ala josparlaýyńyzdy suraımyz», dep habarlady «QazAvtoJol» AQ-nyń óńirlik fılıalynan.
Atalǵan eski kópirdiń paıda bolǵanyna 60 jyldan astam ýaqyt ótken. О́tken jyldan bastap jańa kópirdiń qurylysy qolǵa alynyp, ol eski kópirdiń dál janynan turǵyzyla bastady. Qurylystyń quny - shamamen 79 mlrd teńge.