Jerden qaraǵanda Aı men Kúnniń kólemi birdeı kórinedi. Bul — tabıǵattyń tylsym sáıkestigi.
Shyn máninde Kún Aıdan 400 ese úlken. Naqtyraq aıtsaq, Kúnniń dıametri shamamen 1 392 700 km, al Aıdyń dıametri 3 474 km. Bir ǵajaby, Kúnniń Jerden qashyqtyǵy da Aıdyń qashyqtyǵynan shamamen 400 ese alys. Sondyqtan kók júzinde ekeýi birdeı kólemde kórinedi. Tolyq kún tutylýy kezinde Aı Kúndi tolyq jaýyp, tańǵajaıyp kórinis syılaıdy. Mundaı sáıkestik Kún júıesindegi basqa eshbir ǵalamsharda kezdespeıdi.