Astanalyq «Barys» hokkeı klýbynyń bas dırektory Nurlan Orazbaev qyzmetinen ketti, dep habarlaıdy Egemen.kz.
Nurlan Orazbaev bul qyzmetke 2023 jyldyń 17 qazanynda taǵaıyndalǵan edi. Aıta keteıik, ol buǵan deıin de eki ret «Barys» klýbynyń basshylyq quramynda jumys istegen.
Orazbaevtyń basshylyqqa kelýimen klýbta birqatar ózgerister bolǵan. Sonyń ishinde eń eleýlisi – barlyq Soltústik Amerıkalyq legıonerlermen kelisimsharttardyń toqtatylýy.
Alaıda maýsym qorytyndysy kóńil kónshitpegen. Komanda 68 matchtyń nátıjesinde bar bolǵany 35 upaı jınap, Shyǵys konferensııasynda 12-orynǵa turaqtaǵan. Bul – «Barys» tarıhyndaǵy eń tómengi kórsetkish.