Úkimet qaýlysymen jáne Qazaqstan Respýblıkasynyń Prezıdenti Ákimshiligi basshysynyń kelisimi boıynsha Asan Kóbentaıuly Darbaev Ulttyq ekonomıka vıse-mınıstri qyzmetine taǵaıyndaldy, dep habarlaıdy Egemen.kz.
Asan Kóbentaıuly Darbaev 1984 jyly Aqmola oblysynda dúnıege kelgen. Ál-Farabı atyndaǵy Qazaq ulttyq ýnıversıtetin, T. Rysqulov atyndaǵy Qazaq ekonomıkalyq ýnıversıtetin, QR Prezıdenti janyndaǵy Memlekettik basqarý akademııasyn, Warwick ýnıversıtetin (Ulybrıtanııa) bitirgen.
2005 jyldan 2006 jylǵa deıin Qarjy mınıstrligi qurylymynda jetekshi maman bolyp jumys istegen.
2006–2009 jyldary — monopolııaǵa qarsy qurylymdardaǵy aýmaqtyq bólimshelerde bas maman.
2010 jyly «Básekelestik saıasatty damytý jáne qorǵaý ortalyǵy» AQ jáne «KAZENERGY munaı-gaz jáne energetıka kesheni uıymdarynyń qazaq qaýymdastyǵy» zańdy tulǵalar birlestiginde jumys istegen.
2013–2015 jyldary QR Ulttyq ekonomıka mınıstrligi Tabıǵı monopolııalardy retteý jáne básekelestikti qorǵaý komıteti dırektorynyń orynbasarynan basqarma basshysyna deıingi laýazymdy qyzmet atqarǵan.
2015–2019 jyldary — QR Ulttyq ekonomıka mınıstrligi Tabıǵı monopolııalardy retteý, básekelestikti jáne tutynýshylardyń quqyqtaryn qorǵaý komıteti tóraǵasynyń orynbasary.
2019 jyldan bastap qazirgi ýaqytqa deıin – QR Ulttyq ekonomıka mınıstrligi Tabıǵı monopolııalardy retteý komıtetiniń tóraǵasy.