Qostanaıdaǵy «Jastar saraıynda» «Taza Qazaqstan» baǵdarlamasy aıasynda atqarylǵan is-sharalar qorytyndylanyp, alda atqarylar jospar-mindetter pysyqtaldy.
Oblys ákimi Qumar Aqsaqalov ótkizgen jıynda baǵdarlama qarapaıym turǵyndardyń qoǵamdyq belsendiligin, kásipkerlerdiń áleýmettik jaýapkershiligin arttyrýǵa oń yqpal etkeni aıtyldy.
«Taza Qazaqstan» baǵdarlamasy oblys turǵyndarynyń keń qoldaýyna, jalpyulttyq sıpatqa ıe boldy. Memleket basshysy Qasym-Jomart Toqaev Ulttyq quryltaıda «Taza Qazaqstan» aksııasynyń árbir azamat pen barsha halqymyzdyń kúndelikti ómir saltyna aınalýǵa tıis ekenin aıtqan bolatyn. О́ńir turǵyndary búginde osy údeden shyǵa bildi», dedi ákim.
Aımaq basshysynyń aıtýynsha, eldi mekenderdi abattandyrý jumystary bıyl da jalǵasady. 2025 jylǵa arnalǵan josparǵa sáıkes, óńirde 165 myń kóshet otyrǵyzylady, 1 200 kóshege 15 myńnan astam sham ornatylady. Sonymen qatar 135 balalar jáne sport alańy salynady, 75 áleýmettik nysan iske qosylady. Bıyl oblysta bir ǵana saıabaqtardy abattandyrýdyń ózine 5,5 mlrd teńge bólinip otyr.
Qostanaı oblysy