Qazaqstanda sý tasqyny saldarynan 14 aýyl kólik qatynasysyz otyr. Sonymen qatar el aýmaǵynda 26 jerden sý tasyp, 5 jol bóligi shaıylǵan, dep habarlaıdy Egemen.kz Tótenshe jaǵdaılar mınıstrligine silteme jasap habarlaıdy.
Vedomstvonyń málimetinshe, naýryz aıynyń basynan beri:
4 mıllıon tekshe metrden astam sý sorylǵan, 658 myńnan astam qum toltyrylǵan qap tóselgen, 45 myń tonna ınertti materıal qoldanylǵan, 842 shaqyrym sý aǵyzý aryǵy tazartylǵan.Qazirgi tańda apattyq-qutqarý jumystaryna 577 maman, 179 tehnıka, 58 motopompa jáne sý kóligi jumyldyrylǵan. Sonymen qatar, TJM, IIM, jergilikti atqarýshy organdar jáne basqa da mekemeler qaýipsizdikti qamtamasyz etýge qatysyp jatyr.
«Sý basqan negizgi aýmaqtar: Aqmola oblysy: Janaturmys, Kolýton, Eski Kolýton, Iаgodnoe, A.Qurmanov atyndaǵy aýyl. Bulandy aýdany: Novobratskoe aýyly. Bul eldi mekenderde 69 turǵyn úı men 29 aýla aýmaǵyn sý basqan. Kólik qatynasy 14 aýylmen úzilgen», — delingen habarlamada.
Evakýasııa nátıjeleri:
383 adam evakýasııalandy, onyń ishinde 10 adam ýaqytsha evakýasııalyq beketterge jetkizildi, 159 adam týystarynyń úıine ornalastyryldy, 214 adam úılerine qaıta oraldy.Evakýasııaǵa arnalǵan arnaıy oryndar men kólikter daıyn. Sonymen qatar, TJM-niń tikushaqtary da saqadaı saı tur.
Qazirgi tańda Aqmola, Soltústik Qazaqstan, Shyǵys Qazaqstan jáne Abaı oblystaryerekshe baqylaýǵa alynǵan. Degenmen bıylǵy kóktemgi sý tasqyny qaýpi byltyrǵydan aıtarlyqtaı tómen. Kóptegen ózenderde sý deńgeıi tómendep, qar jamylǵysy tek Shyǵys Qazaqstannyń bıik taýly óńirlerinde ǵana saqtalǵan.