Semeıdegi oblystyq jedel járdem aýrýhanasynda pasıentterdi qoldaý qyzmeti ashyldy. Is-sharaǵa oblys ákimi Berik Ýálı, Densaýlyq saqtaý mınıstri Aqmaral Álnazarova qatysty.
Ashylý saltanatynda Densaýlyq saqtaý mınıstri Aqmaral Álnazarova pasıentterdi qoldaý ortalyǵy mańyzdy máselelerdi jedel sheshýge jáne dárigerlermen ózara is-qımyl jasaýǵa kómektesetinin aıtty.
«Prezıdenttiń tapsyrmasy aıasynda Semeı qalasynda dárigerlerdi kásibı saqtandyrý júıesin engizdik. Sonymen qatar, pasıentterdiń máseleleri tez arada sheshilsin degen nıetpen osyndaı ortalyqtardy ashyp jatyrmyz. Qazirgi tańda respýblıka boıynsha 6 myńnan astam adam osy qyzmette jumys atqarýda. Bul ortalyq Abaı oblysynyń turǵyndaryna septigin tıgizedi degen senimdemin», dedi mınıstr.
Abaı oblysy