13 sáýirde Qurmanǵazy atyndaǵy Qazaq ulttyq halyq aspaptar orkestri Halyq qaharmany, kúıshi, kompozıtor Nurǵısa Tilendıevtiń 100 jyldyǵyna arnalǵan kóshpeli konsert uıymdastyrdy, dep habarlaıdy Egemen.kz Mádenıet jáne aqparat mınıstrliginiń baspasóz qyzmetine silteme jasap.
Is-sharaǵa orkestrdiń tolyq quramymen qatar, Tahaýı Rahmetov pen Bıbigúl Qylymhan sekildi belgili ónerpazdar qatysty. Is-shara maqsaty – Almaty turǵyndary men qonaqtarynyń ulttyq mýzykaǵa degen qyzyǵýshylyǵyn arttyrý.
Qazaq mýzyka mádenıetiniń damýyna zor úles qosqan Nurǵısa Tilendıevtiń shyǵarmashylyǵy – halyqtyń rýhanı murasy, baı qazynasy. Kompozıtordyń 100 jyldyǵyna arnalǵan is-shara bıyl 24 qańtarda Ulttyq orkestr uıymdastyrǵan aýqymdy konsertpen bastalǵan bolatyn. Qazirgi ýaqytta kompozıtordyń mereıtoıy IýNESKO jáne TÚRKSOI sekildi halyqaralyq uıymdardyń qoldaýymen álemdik deńgeıde atalyp ótip jatyr.
Aıta ketsek, TÚRKSOI – Túrki mádenıeti halyqaralyq uıymy 2025 jyldy Nurǵısa Tilendıevti eske alý jyly dep jarııalaǵan bolatyn. Jyl boıy mereıtoıǵa arnalǵan mádenı is-sharalar jalǵasyn tabatyn bolady.