Sporttyq gımnastıkadan Qazaqstan quramasynyń ókili Mılad Karımı Horvatııanyń Osıek qalasynda ótip jatqan Álem kýbogynyń kezeńinde jeńimpaz atandy, dep habarlaıdy Egemen.kz.
Ol kermedegi jattyǵý baǵdarlamasynyń fınalynda qarsylastaryna des bermedi.
Karımı tóreshilerdiń sheshimimen 14.666 upaı jınady. Osylaısha, Mılad bul Álem kýbogynyń kezeńinde ekinshi júldesine qol jetkizdi. Ol buǵan deıin erkin jattyǵýlarda úshinshi oryn ıelengen edi.
Fınalda ekinshi orynǵa Izraıl sportshysy Aleksandr Mıakının ıe bolsa(14.433), al qytaılyq Chenı Se (14.300) úshinshi nátıje kórsetti.
Aıta keteıik, Osıekte ótken jarysta Qazaqstan quramasy úsh júlde jeńip aldy. Karımıden bólek Narıman Qurbanov ta júldeger atanyp, at snarıadynda ótken jattyǵýlarda qola medal jeńip aldy.