WBO jáne IBF tujyrymdary boıynsha álem chempıony, kásipqoı boksshy Jánibek Álimhanuly H jelisinde kelesi qarsylasyn anyqtap, oǵan usynys tastady, dep habarlaıdy Egemen.kz.
Sportshy úshinshi ataqty alýy qajet ekenin málim etti.
«Dál qazir maǵan úshinshi belbeýdi ákeletin jekpe-jekten basqasy qyzyq emes. Karlos Adames, men menedjerime tek senimen jekpe-jekke shyqqym keletinin aıttym! Endi seniń kezegiń. Komandańmen sóılesip, osy jekpe-jekti ótkizeıik - eshqandaı syltaý, ýaqyt sozý bolmasyn. Jankúıerlerge óz qalaǵanyn bereıik!», dep jazdy Álimhanuly.
Osylaısha ol orta salmaqtaǵy WBC chempıondyq belbeýiniń qazirgi ıegeri – domınıkandyq Karlos Adamesqa usynys tastady.