Aqtóbe oblysynda jalpy qýaty 450 MVt bolatyn bes jańartylatyn energııa jobasyn iske asyrý josparyna sáıkes, osy jyly Hromtaý aýdanynda jalpy qýaty 100 MVt bolatyn eki jel elektrstansasy qurylysy bastalady. Oblystyq energetıka jáne turǵyn úı kommýnaldyq sharýashylyǵy basqarmasynyń habarlaýynsha, osy joba jeke ınvestısııalar esebinen júzege asyrylady jáne qurylysty «Darmen Shuak» jáne «Next Green Energy» JShS-teri júrgizedi, dep habarlaıdy Egemen.kz.
Energetıkalyq ınfraqurylymdy jańǵyrtý, jańartylatyn energııa kózderin damytý baǵytynda qolǵa alynǵan jobalar sondaı-aq óńirdegi qýat tapshylyǵyn azaıtýǵa jáne ekologııalyq ahýaldy jaqsartýǵa múmkindik beredi.
Aqtóbe oblysynyń energetıkasyn damytý aıasynda 2028 jylǵa qaraı 1475 MVt, 2030 jylǵa qaraı 1535 MVt kóleminde elektr energııasyn óndirý josparlandy.