Aqtóbe oblysynda Esirtki qylmysyna qarsy is-qımyl basqarmasynyń qyzmetkerleri jedel-izdestirý barysynda zańsyz dári-dármek saqtaǵan eki turǵyndy ustady, dep habarlaıdy Egemen.kz.
Jeke tekserý nátıjesinde ustalǵandardyń birinen dárigerdiń resepti boıynsha qatań túrde beriletin dárilik preparattar salynǵan qorap tabyldy jáne tárkilendi.
Budan ári kúdiktiler turǵan jalǵa alynǵan páterdi tekserý kezinde polıseıler iri kólemde qolma-qol aqshany, sondaı-aq myńnan astam reseptik dári-dármekti jáne psıhotroptyq zattardy tárkiledi.
Ustalǵandardyń aıtýynsha, olar dári-dármekterdi psıhotroptyq zattardy qoldanatyn adamdarǵa satqan.
Júrgizilgen saraptama nátıjeleri boıynsha ustalǵandardyń ekeýi de esirtkige mas bolǵany anyqtaldy.
Olarǵa qatysty ákimshilik hattama toltyryldy.