Jambyl oblysynyń ákimi Erbol Qarashókeev Taraz qalasyndaǵy №30 mektep-gımnazııasynyń oqýshylarymen birgen «Jasyl álemdi birge quraıyq!» ekologııalyq aksııasyna qatysty, dep habarlaıdy Egemen.kz.
Ekologııalyq aksııanyń maqsaty – aǵash tuqymdaryn egý jáne ósirý arqyly mektep oqýshylarynyń tabıǵatqa degen yqylasyn oıatyp, qorshaǵan orta aldyndaǵy jaýapkershiligin arttyrý.
Is-shara barysynda óńir basshysy Erbol Qarashókeev oqýshylarmen birge qylqan japyraqty aǵash tuqymdaryn (bozarsha, arsha, shyrsha, qaraǵaı) ekti.
Bilim alýshylar kóktemde ekken aǵash tuqymdaryn oqý jylynyń sońyna deıin synyptarynda baqylap, kútip-baptaıdy. Jazǵy demalys kezinde olar aǵashtardy úılerine aparyp, kútim jasaýdy jalǵastyrady. Kúzde sol kóshetterdi mektep aýlasyna otyrǵyzý josparlanǵan.
«О́tken jyly Memleket basshysy Qasym-Jomart Kemeluly Toqaevtyń bastamasymen elimizde «Taza Qazaqstan» ekologııalyq aksııasy bastaý alǵan bolatyn. Búginde bul aksııa el aýmaǵynda ekologııalyq tazalyqty saqtaý men qorshaǵan ortany qorǵaýǵa baǵyttalǵan mańyzdy naýqanǵa aınaldy.
Sizder de týǵan jerdiń tazalyǵyn saqtaýǵa jáne onyń kórkeıýine óz úlesterińizdi qosyp kelesizder. Tabıǵatqa janashyrlyq tanytyp, qorshaǵan ortanyń tamasha kórinisin saqtaý – árbir azamattyń boryshy.
Kúz mezgilinde aǵash kóshetterin otyrǵyzý rásimine kýá bolaıyq», degen óńir basshysy balalarǵa oqýda ozat bolyp, bıik shyńdardy baǵyndyrýlaryna tilektestigin bildirdi.
Is-shara barysynda «Taza Qazaqstan» respýblıkalyq ekologııalyq aksııasy aıasynda uıymdastyrylǵan «Men Qazaqstan ekologııasyn jaqsartýǵa qandaı úles qosamyn?» atty oblystyq shyǵarmalar baıqaýynyń marapattaý rásimi ótti.
Baıqaýda 2 530 oqýshy baq synap, onyń ishinde 3 úzdik shyǵarma ıesi – T. Rysqulov aýdanynan Nurálı Kerimbek, Jýaly aýdanynan Aıdyn Artyqbaı jáne Taraz qalasynan Zańǵar Aıtbaı jeńimpaz atandy.Oblys ákimi jeńimpazdarǵa velosıped sertıfıkattaryn tabystady.
Resmı derekke sensek, Jambyl oblysynda «Jasyl álemdi birge quraıyq!» aksııasyna 248 mekteptiń 10 375 oqýshysy óz úlesin qosty. Tabıǵı resýrstar jáne tabıǵat paıdalanýdy retteý basqarmasy bilim bólimderine aǵash tuqymdaryn taratyp, tuqym egý boıynsha ádistemelik nusqaýlyqtar usyndy.
Jambyl oblysy