Oq jaraqatyn alǵan Shymkent qalasy ákiminiń orynbasary Rýslan Berdenovke tórt saǵattan astam ýaqyt ota jasalǵan, dep habarlaıdy Egemen.kz.
Bastapqyda dárigerler ákimniń orynbasarynyń jaǵdaıyn aýyr dep baǵalaǵan.
«Naýqasqa oń jaq keýde qýysyndaǵy oqtyń enýinen paıda bolǵan jaraqat áserinen oń jaq ókpe tómengi bóliginiń, qabyrǵa aralyq arterııalar men dıafragmanyń kóp jeri zaqymdanǵan; oń jaqtan bolatyn gemopnevmotoraks. Sonymen qatar, ish qýysynyń kóp jaraqattary baýyrdyń zaqymdanýyna, ishki qan ketýge, oń jaq búırek, ıyq pen bilekke oqtyń tııýine baılanysty syrtqy qan ketýge ákelgen. Plevropýlmonaldyq jáne gemorragııalyq shok tirkeldi», dep habarlady Shymkent qalalyq densaýlyq saqtaý basqarmasy.
Ákim orynbasaryna shabýyl 21 sáýir kúni keshki ýaqytta, qalalyq ákimdik ǵımaratynyń janynda jasalǵan. Rýslan Berdenov oq jaraqatyn alyp, aýrýhanaǵa jatqyzyldy.
Aıta keteıik, kúdikti qamaýǵa alyndy. Shabýylǵa qatysty qylmystyq is qozǵalyp, tergeý júrip jatyr.