Abaıdyń óleńderi men qarasózderin bir mezette tebirene oqyǵandar – Aqtóbe oblysynyń mektep oqýshylary, dep jazady Egemen.kz.
Oblys mektepterinen 180 myńnan astam oqýshy qatysqan «Abaıdy oqy, tańyrqa!» atty biryńǵaı oqý saǵaty – jas býynnyń damýyna serpin berýdi kózdedi. Oǵan bastaýysh, orta, joǵary býyn oqýshylary qatysyp, ózderiniń jas mólsherine sáıkesteý arnaıy usynylǵan uly oıshyldyń shyǵarmalaryn oqydy.
Aqtóbe oblysy ákimdiginiń málimetinshe tańerten saǵat 10:00-de óńirdegi 433 mekteptiń barlyǵynda poetıkalyq oqýlar, teatrlandyrylǵan qoıylymdar, ádebı kompozısııalar uıymdastyrylǵan.