Áleýmettik jelide Qostanaı oblysynyń ákimine qaýip tónip turǵany týraly vıdeo taraǵan edi. Osyǵan oraı oblys ákiminiń baspasóz qyzmeti málimdeme jasady, dep habarlaıdy Egemen.kz.
Málimdemede atalǵan vıdeonyń jasandy ıntellekt kómegimen jasalǵany aıtyldy.
«Bul vıdeoǵa qatysty Qostanaı oblysy ákimdigi quqyq qorǵaý organdaryna resmı túrde ótinish joldady. Jalǵan aqparatty taratýshylar anyqtalyp, qoldanystaǵy zańnamaǵa sáıkes jaýapkershilikke tartylady. Azamattarǵa mundaı áreketteri úshin zań aldynda jaýap beretinin eskertemiz jáne aqparatty tek resmı derekkózderden tekserýge shaqyramyz», delingen habarlamada.