Petropavldyń túbindegi Qyzyljar aýdanyna qaraıtyn Teplıchnyı kentine byltyr tasqyn sý kirip ketken. Bıyl olaı bola qoımas degen úmit aqtalmady. Sý bógetterden asyp túsý qaýpi bar. Sondyqtan 25 sáýirde turǵyndar Beskól aýylyndaǵy 2-shi mektepke jáne Petropavl qalasyndaǵy jataqhanaǵa evakýasııalandy.
Oblys ákimi Ǵaýez Nurmuhambetov áleýmettik jelige búgin: «Úsh kúnnen beri táýlik boıy jumys istep jatyrmyz. Teplıchnyıdaǵy qorǵanys bógetin nyǵaıtý barysy jeke baqylaýymda. Bógetke barlyq qajetti tehnıka jumyldyrylǵan, shatyrlar tigilgen, tamaqtaný uıymdastyrylǵan.
Jumysqa 1,6 myńǵa deıin adam tartylǵan — bul kásiporyndar men uıymdardyń qyzmetkerleri, memlekettik qyzmetshiler, áskerı qyzmetshiler jáne qutqarýshylar. Bizdiń aýdandar da kómek kórsetýde. Kórshiles óńirlerden qutqarýshy brıgadalar keldi. Osy kúnge deıin 90 myń qap tóseldi.
Sý toltyrylǵan bóget ornatyldy. Bóget astynan sý aǵýyn boldyrmaý úshin súńgýirlerdi de tartyp jatyrmyz. Halyqpen kezdesip, barlyq qıyndyqtarǵa qaramastan táýlik boıy eńbek etip júrgen azamattarǵa shynaıy alǵysymdy bildirdim», dep jazdy.
Qazir tasqynmen kúres jalǵasýda.
PETROPAVL