Jambyl oblysynda tıptik úlgidegi 40 veterınarlyq pýnkttiń qurylysy júrgizilip jatyr. Onyń alǵashqysy Baızaq aýdanynda paıdalanýǵa berildi, dep habarlaıdy Egemen.kz.
Jambyl oblysyna jumys saparymen kelgen Májilistegi Agrarlyq máseleler komıtetiniń tóraǵasy men músheleri, Sý resýrstary jáne ırrıgasııa, Aýyl sharýashylyǵy mınıstrliginiń ókilderi, sondaı-aq respýblıkanyń basqa óńirleriniń veterınarlary atalǵan nysanmen jan-jaqty tanysty. Sondaı-aq delegasııaǵa veterınarııa salasynda atqarylyp jatqan jumystar baıandaldy.
О́ńirde 75 veterınarııalyq pýnkttiń qajettiligi anyqtalǵan. Osy máseleni sheshý maqsatynda bıyl emdeý alańdary bar, biryńǵaı jańa tıptik úlgidegi 40 veterınarııalyq pýnkttiń qurylysyn júrgizý josparlanǵan, onyń 20-sy memlekettik-jekemenshik áriptestik aıasynda boı kótermek. 2026 jyly 35 ǵımarattyń qurylysy júrgiziledi.
Aýyl sharýashylyǵy vıse-mınıstri Amanǵalı Berdalınniń aıtýynsha, Jambyl oblysy veterınarııa salasyna jańashyldyqtar engizý boıynsha óńirler arasynda kósh bastap tur. Ásiresi, veterınarııalyq pýnktter salý jobasy tıimdiligin kórsetip otyr.
Oblysta 2025 jyly veterınarııa salasyn damytýǵa 4,6 mlrd teńge bólindi, bul ótken jylmen salystyrǵanda 9 paıyzǵa artyq. Salada 1 055 maman eńbek etedi, sońǵy eki jylda jumysshylardyń jalaqysy 30 paıyzǵa ósti. Veterınarııalyq stansııalarda 316 qyzmettik tehnıka bar. Bıyl oblystyq bıýdjet esebinen 50 jańa avtokólik satyp alyndy.
Budan bólek, veterınarlar 160 dana termosómkemen qamtamasyz etildi. 29 mln teńgege maýsymdyq qyzmettik kıim satyp alý kózdelip otyr. Oblys aýmaǵynda 48 bıotermııalyq shuńqyr bar. Osy jyly 25 shuńqyr qurylysyn júrgizý josparlanyp, 13-niń qurylysy qarqyn alǵan. Qalǵan 12 shuńqyrdyń jer telimi naqtylanyp jatyr.
Jambyl oblysy