1992 jyly AQSh-taǵy «Southwest Airlines» áýe kompanııasy jarnama naýqanynda «Plane Smart» («Aqylmen ushyńyz») degen sóz tirkesin qoldana bastady. Alaıda bul tirkeske uqsas «Just Plane Smart» degen sózdi buǵan deıin «Stevens Aviation» kompanııasy paıdalanyp júrgen edi. Sol sebepti olar básekelesterin sotqa bermek boldy.
Biraq qos kompanııanyń basshylary sottasýdyń ornyna daýdy sport alańynda sheshýge kelisti. Qalaı deısiz ǵoı? Olar jurtshylyq aldynda qol kúrestirip, jeńimpazdy anyqtaǵysy keldi. Jarys nátıjesinde «Stevens Aviation» dırektory jeńiske jetedi. Biraq ol jomarttyq tanytyp, qarsylasyna osy tirkesti ári qaraı da qoldanýǵa ruqsat beredi. Osylaısha, eki kompanııa óz bedelin arttyryp, qoǵam aldynda jaǵymdy ımıdj qalyptastyrdy.