Jańa Salyq kodeksinde áleýmettik sala uıymdary úshin tómendetilgen korporatıvti tabys salyǵy mólsherlemeleri 2026 jyldan bastap 5 paıyz, 2027 jyldan bastap 10 paıyz bolyp belgilendi, dep jazady Egemen.kz.
Múgedektigi bar adamdarǵa arnalǵan áleýmettik salyq shegerimi 5 myń AEK-ke deıin ulǵaıtyldy. Birqatar qoǵamdyq birlestikti keı salyqtan bosatý josparlanǵan. Alkogol men temeki ónimderine, sondaı-aq quramynda qyzdyrylǵan temeki bar ónimderge aksız mólsherlemelerin kezeń-kezeńimen arttyrý, energetıkalyq sýsyndarǵa aksızderdi engizý týraly sheshim qabyldandy. Aýyl sharýashylyǵy maqsatyndaǵy jerlerdi tıimsiz paıdalanǵan jaǵdaıda jer telimderin paıdalanǵany úshin tólemaqy mólsherlemesi 100 esege deıin kóteriledi. Jer qoınaýyn paıdalanǵany úshin tólem stavkalary da lısenzııanyń qoldanylý merzimi men ýchaskelerdiń sanyna baılanysty qaıta qaralady.