2025 jylǵy 1 mamyrda Astana qalasynda Cardiff University Kazakhstan fılıalynyń ashyq esik kúni uıymdastyryldy. Is-sharaǵa shetelde bilim alýǵa qyzyǵýshylyq bildirgen jastar men olardyń ata-analary qatysty, dep habarlaıdy Egemen.kz.
Ashyq esik kúni – álemdik deńgeıdegi ýnıversıtettiń Qazaqstanda resmı túrde qyzmetin bastaǵanyn bildiretin mańyzdy oqıǵa. Qatysýshylar ýnıversıtettiń oqý úderisi, qabyldaý talaptary, bilim berý baǵdarlamalary jáne kásibı múmkindikter týraly jan-jaqty aqparat aldy.
«Cardiff University Kazakhstan fılıalynyń ashylýy – Qazaqstan jastaryna Ulybrıtanııa sapasyndaǵy bilimdi óz elinde alý múmkindigin beredi. Bul – elimizdiń joǵary bilim júıesiniń ınternasıonaldaný jolyndaǵy mańyzdy qadamy», dedi QR Ǵylym jáne joǵary bilim mınıstri Saıasat Nurbek.
Cardiff University – álem moıyndaǵan joǵary oqý orny:
Álemdik QS reıtınginde 186-orynda;
«Bıznes jáne menedjment» baǵyty boıynsha Ulybrıtanııada 1-orynda;
Bilim berý, ınjenerııa jáne geologııa salalary boıynsha álemniń úzdik 150 ýnıversıtetiniń qataryna kiredi;
Ulybrıtanııadaǵy túlekterdi jumyspen qamtý boıynsha 12-orynda tur.
Astanadaǵy fılıaldyń artyqshylyqtary:
Barlyq oqý prosesi aǵylshyn tilinde ótedi;
Dáristerdi Ulybrıtanııadan kelgen professorlar júrgizedi;
Túlekterge Cardiff University dıplomy tabystalady, ol – halyqaralyq deńgeıde moıyndalǵan jáne atalǵan ýnıversıtet Ulybrıtanııanyń eń bedeldi oqý oryndary kiretin Rassel tobynyń múshesi.
Memleket basshysy Qasym-Jomart Toqaev joǵary bilim berý salasyna aıryqsha nazar aýdarady. Bilim berý júıesin jetildirýge baǵyttalǵan barlyq bastamalar Prezıdenttiń strategııalyq ustanymyna saı júrgizilip, tikeleı baqylaýynda.