«Bal Ara» omartashylar odaǵynyń múshesi Dııa Erjanova men joldasy Kákim Ybyraev naryqqa taza bal ónimderin usynady.
Mundaı bal óndirisinde hımııalyq qospa, pestısıd jáne antıbıotık qoldanylmaıdy. Baldy óndirý úshin omarta mańyndaǵy 3–5 shaqyrym radıýstaǵy ósimdikter de ekologııalyq taza bolýy qajet.
– Organıkalyq bal – densaýlyqqa paıdaly, tabıǵı ári sapaly ónim. О́nim Latvııadaǵy Rıga shaharynda sertıfıkattalǵan. Eýroodaqta akkredıttelgen. О́nimge talap joǵary. Jylda sertıfıkat jańartamyz. Osylaısha, qospasyz baldyń sapasy súzgiden ótip turady. Elimizde mundaı kásippen aınalysatyn eki-aq óndirýshi bar, sonyń biri – biz, – deıdi Dııa Kóshkenqyzy.
О́nimderin brendke aınaldyrýdy kózdegen erli-zaıypty turaqty tutynýshylar úshin jeńildikter de oılastyrǵan. Máselen, tutynýshy 10 kılo bal alsa, oǵan yntalandyrý maqsatynda taǵy bir kılosyn tegin beredi. Isker omartashy aldaǵy ýaqytta aralar sanyn kóbeıtýdi josparlap otyr.
О́nimderin áleýmettik jelidegi paraqshalarynda jarnamalaıdy. Kásipkerdiń sapaly baly ózge óńirlerde de suranysqa ıe.
«Kásipti bastaǵan jyldary kezdesken kedergini eńserip, otbasymyzdyń kúshimen alǵa qadam basyp kelemiz. Turaqty klıentterimiz úzdiksiz ónim aldyrady. Solar arqyly tapsyrys berip jatqandar da kóp. О́nimimiz mahabbatpen ázirlengendikten onyń ótimi de jeńil júrip jatyr», deıdi kásipker Dııa Kóshkenqyzy.
Qaraǵandy oblysy