Memlekettik keńesshi Erlan Qarınniń tóraǵalyǵymen jalpyulttyq qundylyqtarǵa negizdelgen «Adal azamat» atty jańartylǵan tárbıe baǵdarlamasyn júzege asyrý máseleleri jóninde jıyn ótti.
Basqosýda Oqý-aǵartý mınıstri Ǵanı Beısembaev pen Bala quqyqtary jónindegi ýákil Dınara Zákıeva baıandama jasady.
Erlan Qarın baǵdarlamanyń negizgi mindeti óskeleń urpaqqa tálim-tárbıe berý jumysyn jetildirý, júıeleý ekenin aıtty. Atalǵan jumys barlyq bilim berý mekemelerin qamtýǵa tıis.
Memlekettik keńesshi tárbıe úderisinde keshendi tásil qoldaný, ıaǵnı memleket, mektep jáne ata-ana arasyndaǵy tyǵyz yqpaldastyqty jolǵa qoıý qajet ekenin eskertti.
Kezdesý sońynda tárbıe baǵdarlamasyn mektepter men kolledjderge engizý jumysyn jalǵastyrý týraly tapsyrma berildi.