Ulttyq statıstıkalyq bıýro Qazaqstandaǵy 2025 jyldyń birinshi toqsanyndaǵy jalaqy týraly málimetterdi jarııalady, dep habarlaıdy Egemen.kz.
Statıstıkaǵa sáıkes, ortasha jalaqy (eńbekaqy dıapazonynyń ortalyq deńgeıi) 2025 jyldyń birinshi toqsanynda 300 307 teńgeni qurady. Kásipkerlik qyzmetpen aınalysatyn shaǵyn kásipkerlik sýbektilerin esepke almaǵanda, ortasha ataýly jalaqy osy kezeńde 423 133 teńgeni qurady. 2024 jyldyń sáıkes toqsanymen salystyrǵanda ósim 10,7 paıyzdy qurady.
«2024 jyldyń sáıkes toqsanymen salystyrǵanda ortasha aılyq jalaqynyń eń joǵary ósimi aqparat jáne kommýnıkasııa salasynda – 31,3 paıyzǵa, aýyl, orman jáne balyq sharýashylyǵynda – 17,3 paıyzǵa, óner, oıyn-saýyq jáne demalys salasynda – 16,1 paıyzǵa ósti», delingen Ulttyq statıstıka bıýrosy taratqan habarlamada.
О́ńirlik mánde ortasha aılyq ataýly jalaqynyń eń kóp ósýi Ulytaý oblysynda (19,4 paıyzǵa), Qostanaı oblysynda (14,6 paıyzǵa) jáne Almaty qalasynda (14,2 paıyzǵa) baıqaldy.