ASTANA. 3 tamyz. Nıgerııa armııasy eldiń soltústik-shyǵysynda «Boko Haram» lańkestik tobynda kepildikte bolǵan 178 adamdy qutqardy. Bul týraly Channel News Asia habarlady.
Kepildikten bosatylǵandardyń 100-den astamy balalar jáne 67-si áıelder. Qutqarý operasııasy Nıgerııa áskeriniń Maıdýgýrı qalasy mańyndaǵy eldi mekenge basa-kóktep kirý kezinde júzege asty.
«Sonymen qatar, «Boko Haram» komandırleriniń biri qolǵa tústi. Qazir oǵan qatysty tergeý jumystary júrgizilýde», – deıdi Nıgerııa armııasynyń ókili.
Buǵan deıin atalǵan lańkestik toptyń sodyrlary eldiń soltústik-shyǵysyndaǵy Maları eldi mekenine shabýyl jasap, 13 turǵyndy óltirgeni týraly aqparat taraǵan bolatyn.
Elaman Qońyr.
Derek: Channel News Asia.
Sýret: viewpointnigeria.com.