Azamattyq avıasııa jónindegi bas basqarmasynyń (SHGM) jańa sırkýlıarynda kórsetilgen talapqa sáıkes elde ushaq qonǵan kezde ekıpajdyń ruqsatyn kútpeı ornynan turyp, qozǵalǵan jolaýshylar ákimshilik jaýapkershilikke tartylady, dep habarlaıdy Egemen.kz.
Qujatta sońǵy ýaqytta ushaqtaǵy tártipke baılanysty jolaýshylardan túsken shaǵymdar sanynyń artqany jáne SHGM júrgizgen tekserister nátıjesinde tártip buzýshylyqtardyń jıilegeni atap ótilgen. Atap aıtsaq, ushaq tolyq toqtamaı turyp, ornynan erte turyp, dálizge shyǵý, qaýipsizdik beldikterin sheship, bagaj sórelerin ashý jáne ekıpaj eskertýlerine qulaq aspaý.
Mundaı áreketter jolaýshynyń óz qaýipsizdigine ǵana emes, ózgeler men ushaq ishindegi múlikke de qater tóndiredi. Osyǵan baılanysty barlyq avıakompanııalarǵa qaýipsizdik erejelerin kúsheıtý tapsyrylyp, reıs barysynda temeki shegýge tyıym salý men qaýipsizdik beldigin taǵý týraly mindetti habarlandyrý jasaý engizildi.
Turkish Airlines kompanııasy bul ózgerister jóninde óz bortserikterin aldyn ala habardar etken. Aıyppuldyń naqty kólemi ázirge belgisiz, alaıda SHGM onyń zań aıasynda qoldanylatynyn atap ótti.