Aqtóbe oblysy Polısııa departamentiniń uıymdasqan qylmysqa qarsy kúres basqarmasynyń qyzmetkerleri ózin Sybaılas jemqorlyqqa qarsy kúres qyzmetkeri retinde tanystyryp, Aqtóbe qalasynyń kásipkerlerinen aqsha bopsalap júrgen er adamdy ustady, dep habarlaıdy Egemen.kz.
Jedel-izdestirý sharalary barysynda kúdiktiniń jeke kásipkerlerge qońyraý shalyp, oıdan shyǵarylǵan aıyptaýlar arqyly qylmystyq is qozǵaımyn dep qorqytqany anyqtaldy. Máselen, ol qaladaǵy bir JShS-tiń kadr bóliminiń jetekshisinen 5 mln teńge talap etken. Ustalǵan kezde kúdiktiniń basqarýyndaǵy kólikten 4 mln teńge qolma-qol aqsha tabylyp, tárkilendi.
Qazir ol qamaýǵa alynyp, Qylmystyq Kodekstiń «bopsalaý» babymen sotqa deıingi tergeý bastalǵandyǵyn habarlaıdy oblystyq polısııa departamentiniń baspasóz qyzmeti. Kúdiktiniń aqsha bopsalaý deregi dáleldense, ony 5-10 jylǵa deıingi bas bostandyǵynan aıyrý jazasy kútip tur.
Aqtóbe oblysy.