Fýtboldan Qazaqstan Premer-lıgasynyń toǵyzynshy týry aıaqtaldy. Bul matchtarda tómendegideı nátıjeler tirkeldi, dep habarlaıdy Egemen.kz.
«Oqjetpes» – «Aqtóbe» 1:3, «Atyraý» – «Jetisý» 1:1, «Elimaı» – «Qaırat» 1:0, «Ulytaý» – «Astana» 0:2, «Jeńis» – «Qyzyljar» 0:0 jáne «Qaısar» – «Turan» 1:0. Al «Tobyl» men «Ordabasy» arasyndaǵy kezdesý aýa-raıynyń qolaısyzdyǵyna baılanysty keıinge shegerildi. Osy oraıda, Almatynyń «Qaıraty» bıylǵy maýsymda alǵash ret jeńilistiń kermek dámin tatqanyn aıta ketsek esh aıyby joq dep oılaımyz.
Jarys kestesine keler bolsaq, qorjynynda 25 upaıy bar «Aqtóbe» jeke-dara kósh bastap tur. Ekinshi oryndaǵy «Qaırattyń» olardan eki upaıy kem. Úshinshi satyǵa «Astana» jaıǵasty. Elordalyq klýb 21 upaıdy enshileýde. Kósh sońyndaǵy «Ulytaý» nebary eki upaıdy qanaǵat tutýda. Sondaı-aq, «Atyraý» men «Jetisýdiń» de jaǵdaılary múshkil. Olar enshisinde nebary 4 jáne 5 upaıdan bar.