• RUB:
    6.68
  • USD:
    520.93
  • EUR:
    609.07
Basty saıtqa ótý
Aımaqtar 20 Mamyr, 2025

Jezqazǵan qalasynyń halqy sapaly sý tutynatyn bolady

40 ret
kórsetildi

Úkimet Jezqazǵan qalasyndaǵy sharýashylyq-aýyz sý tazartý qurylystaryn rekonstrýksııalaýǵa 1,8 mlrd teńge bóldi, dep jazady Egemen.kz.

Rekonstrýksııa Memleket basshysy Qasym-Jomart Toqaevtyń halyqty sapaly aýyz sýmen qamtamasyz etý jónindegi tapsyrmalaryn júzege asyrý sheńberinde júzege asyrylady.  Tıisti qaýlyǵa Premer-mınıstr Oljas Bektenov qol qoıdy.

Qarajat sharýashylyq-aýyz sý tazartý qurylysyn jańǵyrtýǵa múmkindik beretin membranalyq jabdyqty ornatý arqyly qýaty táýligine 124 myń m3 qoldanystaǵy tazartý qurylystaryn tolyq rekonstrýksııalaý jobasynyń ekinshi kezegin júzege asyrýǵa baǵyttaldy.

Atalǵan jobany júzege asyrý Jezqazǵan qalasy turǵyndary úshin áleýmettik mańyzdy másele bolyp otyr.

Oblys ortalyǵyndaǵy halyq aýyz sýdy Keńgir sý qoımasynan tutynady. Qalanyń sharýashylyq-aýyz sý tazartý qurylystary 1966 jyly paıdalanýǵa berilgen. Jabdyqtar men tehnologııalardyń shamamen 90  paıyz tozyǵy jetken.

Jezqazǵan qalasynda 93,3 myń halyq bar. Bólingen qarjy jergilikti turǵyndardy sapaly sýmen qamtamasyz etýge múmkindik beredi.