Prezıdent tapsyrmasyna sáıkes Jambyl oblysynda kezinde zańsyz alynyp, paıdalanylmaı jatqan jerlerdi memleket menshigine qaıtarý jumysy qarqyndy júrgizilip jatyr, dep habarlaıdy Egemen.kz.
Oblys ákimdigi jer qatynastary basqarmasynyń basshysy Danııar О́tepovtyń aıtýynsha, osy jyldyń alǵashqy toqsanynda 11,7 myń gektar paıdalanylmaǵan jáne zańsyz berilgen aýyl sharýashylyǵy jerleri memleket menshigine qaıtaryldy. Endi bul jerler eldi meken turǵyndarynyń mal jaıýy úshin aýyldyq okrýgterge bólinip berilmek. Al, jaıylym sanatyna jatpaıtyn jerler konkýrs arqyly tapsyrylady.
«2025 jyldyń birinshi toqsanynda bes konkýrs uıymdastyryldy, onyń qorytyndysy boıynsha aınalymǵa 12 myń gektar aýyl sharýashylyǵy jerleri tartyldy.Eldi mekenderdiń aýmaqtaryna qosylǵan bosalqy jerdiń jalpy qory 378 myń gektardy qurady. Osylaısha, eldi mekenderdiń jer kólemi 363 myń gektardan 741 myń gektarǵa deıin ósti. 2025 jylǵa qaraı taǵy 20 myń gektarǵa ulǵaıtý josparlanǵan» , deıdi jaýapty basqarma basshysy.
Jambyl oblysy