Bıyl Atyraý oblysynda 134 myń 812 oqýshyny demalyspen qamtý josparlanyp otyr. Bul – oqýshylardyń jalpy sanynyń 93 paıyzy.
Atyraý oblysy ákimdiginiń málimetine súıensek, balalardyń jazǵy demalysyna jergilikti bıýdjetten 619,5 mln teńge bólingen.
«Bıyl oqýshylar 3 saýyqtyrý lagerine demalýǵa jiberý kózdelip otyr. Onyń biri – Reseı Federasııasynyń Jeleznovodsk qalasyndaǵy «Qazaqstan Geologi» emdeý pansıonaty. Onda arnaıy sanattaǵy otbasylardan 1530 bala demalady. Al Inder men Mahambet aýdanyndaǵy lagerlerge 1500-ge oqýshy jiberiledi», deıdi bilim basqarmasynyń ókili Qadyrjan Saparov.
Onyń aıtýynsha, áleýmettik turmysy tómen otabsylardaǵy balalar da nazardan tys qalmaıdy.
«Jetim, ata-ana qamqorlyǵynsyz qalǵan, arnaıy sanattaǵy jáne qolaısyz otbasylardaǵy, quqyq qorǵaý organdarynyń esebinde turǵan balalar jazǵy demalyspen tolyqtaı qamtylmaq. Jaz mezgilinde oblystaǵy barlyq mýzeı arnaıy sanattaǵy balalar úshin tegin qyzmet kórsetedi. Respýblıkalyq bıýdjet esebinen 4 lagerge 608 balany, jergilikti bıýdjet tarapynan 100-den astam oqýshyny elimizdiń sakraldy, tarıhı, kórikti mekenderine ekskýrsııaǵa jiberý uıymdastyrylady», dep málimdedi Qadyrjan Saparov.
Atyraý oblysy