«Múmkin emes, biraq shyndyq» dep osyndaıda aıtatyn shyǵar, sirá. Aıýdyń motosıkl aıdaǵanynyń ózi qalyptan tys qubylys. Al onyń júrgizýshi kýáligine ıe bolǵany tipten tańǵalarlyq jaǵdaı.
Keńes zamanynda jattyqtyrylyp, álem elderin aralaǵan bul aıý Germanııanyń Shtýtgart qalasynda erekshe sheberligimen dúıim jurtty tánti etken. Ol kóshede jol erejesin saqtap, motosıklmen arly-berli júıtkigen. Tipti janýar baǵdarsham qyzyl janǵanda toqtap otyrǵan. Bul ónerge tańdaı qaqqan nemis bıligi ázil-shyny aralas, biraq resmı túrde oǵan júrgizýshi kýáligin tabystaǵan. Minekeı, osy oqıǵa – janýarlardyń da mashyq pen tártipke úırene alatyndyǵynyń aıqyn dáleli.