Elbasy qabyldady

Elbasy Mádenıet jáne sport mınıstri Arystanbek Muhamedıulyn qabyldady, dep habarlady Prezıdenttiń baspasóz qyzmeti. Kezdesý barysynda Qazaq handyǵynyń 550 jyldyǵyn merekeleýge daıyndyq máseleleri, sondaı-aq, «100 naqty qadam» ulttyq is-qımyl josparyn júzege asyrý aıasyndaǵy mınıstrliktiń qyzmeti talqylandy. Memleket basshysy merekelik sharalardy daıarlaý barysynda negizgi salmaq Mádenıet jáne sport mınıstrligine túsetinin aıtty. Osy jyldar ishinde Memleket tarıhy ınstıtýty quryldy, kóptegen ǵalymdarymyz tarıhı materıaldar izdep tabý jáne olardy jan-jaqty zerdeleý úshin shetelderge shyqty. El bolý úshin, sondaı-aq, jastardy patrıottyq turǵyda tárbıeleý úshin bizge Qazaqstannyń shynaıy tarıhy kerek, – dep atap ótti Nursultan Nazarbaev. Qazaqstan Prezıdenti mereıtoıdy qa­lyptasqan kúrdeli ekonomıkalyq jaǵ­daıda artyq shyǵynsyz, biraq halyq jadynda qalatyndaı sapaly ótkizý kerek­tigin aıtty. Memleket basshysy mereıtoılyq sharanyń basty maqsaty barsha qazaqstandyqtardyń patrıotızmin nyǵaıtý jáne olardyń rýhanı turǵydan ósip-jetilýin qamtamasyz etý bolyp sanalatynyn atap ótti. Mádenıet jáne sport mınıstri mere­kelik sharalar Astanada jáne Tarazda óte­tinin aıtty. Qazaq handyǵynyń 550 jyldyǵyn merekeleý Qazaqstan halqynyń birtektiligi men birligin nyǵaıtý úshin óte mańyzdy. Biz birinshi kezekte halyqaralyq ǵylymı-tájirıbelik konferensııalar ótkizýge kóńil bólemiz. Sonymen qatar, qazirgi kez­de Tarazda etnografııalyq mýzeı jáne ortalyq salynýda. Mańyzdy arheo­lo­gııa­l­yq jumystar júrgizilýde, – dedi A.Mu­ha­medıuly. Memleket basshysy kezdesý qory­tyn­dysy boıynsha birqatar naqty tapsyrmalar berdi. ----------------------------------------- Sýretterdi túsirgender S.BONDARENKO, B.OTARBAEV.