BAQ pen sottyń birlesken is-qımyly

Konstıtýsııalyq Sot tóraǵa­sy­nyń orynbasary Baqyt Nurmuhanov qol qo­ıylǵan qu­jat tek tarap­tardyń resmı keli­simin ǵana emes, sonymen qatar aza­mat­tardyń quqyqtyq mádenıetin damytý men olardyń quqyq­tyq saýattylyǵyn arttyrý jo­lyndaǵy ortaq jaýapker­shilikti bildi­retinin atap ótti.

«Jarııalylyq pen ashyqtyq qaǵı­­dattary – konstı­týsııalyq baqylaý organ­­dary qyzmetiniń ajy­ramas bóligi. Biz negizgi ha­lyq­aralyq organ­dardyń usy­nymdaryn qosa alǵanda, jal­py­ǵa birdeı standarttar­­dy dáıek­­ti túrde ustanamyz», dedi ol.

Bas redaktorlar klýbynyń pre­zıdenti, Parlament Se­natynyń depý­taty Bıbigúl Jeksenbaı buqara­lyq aq­pa­rat quraldarynyń konstı­týsııalyq baqylaý or­gany men qoǵam arasyndaǵy baılanys­­­tyrýshy býyn retindegi mańyzdy rólin atap ótip, olardyń obek­tıvti ári jan-jaqty aq­­paratqa qol­jetimdilikti qam­tamasyz ete­tinin aıtty. Sena­tordyń aıtýynsha, qazirgi ýaqytta klýb quramynda shamamen 300 medıamenedjer bar. Olar­dyń basym bóligi óńirlerde jumys isteıdi. Bul óz kezeginde aqpa­rattyń taralý aıasyn keńeıtip, jergilikti jerler­degi habar­dar­lyqty arttyrýǵa yqpal etedi.

Kezdesý barysynda taraptar Konstıtýsııanyń 30 jyldyǵyna arnalǵan «Ata Zań – táýelsizdik tiregi» ult­tyq is-sharalar josparyn iske asyrýǵa erekshe nazar aýdar­­dy. Konstıtýsıonalızm ıdeıa­laryn ilgeriletý, aza­mat­tardyń quqyqtary men bos­tan­dyqtaryn qorǵaý, son­daı-aq quqyqtyq saýat­tylyqty qa­lyp­­tastyrý jáne qo­ǵam­­da kon­stıtý­sııalyq qun­dy­lyq­tardy nasıhattaý isinde memle­ket­tik ınstıtýttar men medıa­nyń kúsh-jigerin biriktirýdiń ma­ńyzdylyǵy atalyp ótti.

Kezdesý sońynda taraptar qol qoıylǵan memorandým aıasynda bir­lesken aqparattyq-aǵartýshylyq is-sharalardy ótkizýge kelisti.

Kezdesýge Konstıtýsııa­lyq Sottyń sýdıalary, appa­ratynyń basshylyq quramy jáne klýb músheleri – «Habar» telearnasynyń dırektory Jaınagúl Tólemisova, «Qazaq gazetteri» JShS bas dırek­torynyń orynbasary Qambar Ahmet, «Abaı» telear­na­sy­nyń dırektory Erkin Mu­hamedjanov, «Qazcontent» AQ tóraǵasy Aına Zadabek, Bas redaktorlar klýbynyń atqarýshy dırektory Bıbigúl Qulaman qatysty.